#MyTurn: Sanya Lopez, nag-react sa pagiging macho dancer ni Jak Roberto
Around GMA
Around GMA
Easterlies to bring cloudy skies, rain over Palawan, VisMin 6 PDLs in Negros Occ released on Christmas EveArticle Inside Page
Showbiz News
Ano naman kaya ang masasabi ni Sanya Lopez sa bagong role ng kanyang kuya na si Jak Roberto?
Kilala si Jak Roberto bilang istriktong kuya sa kanyang nakababatang kapatid at kapwa artista na si Sanya Lopez.
Laging binibiro ni Jak sa social media na makakatikim ng palo si Sanya tuwing may ginagawa siyang sexy scenes sa teleserye o kaya sa pelikula.
Ngayong gaganap si Jak bilang si Dante Gulapa sa Magpakailanman, ginantihan naman ni Sanya ang kanyang kuya at sinabing ilalabas niya ang pamalo ni Jak.
"Huyyyyy!!! Ilabas ko na kaya yung pamalo mo," komento ni Sanya sa post ni Jak sa Instagram.
Sagot naman ng kanyang kuya, "Sige una kong ipapalo sa 'yo yan."
Suportado naman ng kanyang Kara Mia co-stars at iba pang Kapuso artists si Jak.
Mapapanood ang Magpakailanman: Viral Macho Dancer (The Dante Gulapa Story) ngayong Sabado, March 23, pagkatapos ng Daddy's Gurl.
Araw-araw ding mapapanood sa GMA Telebabad si Jak sa Kara Mia kasama sina Barbie Forteza, Mika Dela Cruz at Paul Salas.
